ស្នងការដ្ឋាននគរបាលខេត្តព្រៃវែង រៀបចំពិធីផ្សព្វផ្សាយ ស្ដីពីបទវិន័យនគរបាលជាតិកម្ពុជា គ្រងឯកសណ្ឋាន និងការប្រើប្រាស់អាវុធ

ខេត្តព្រៃវែង ៖ នៅព្រឹកថ្ងៃអង្គារ ៤ កើត ខែអាសាឍ ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី៩ ខែកក្កដា ឆ្នាំ២០២៤ នៅស្នងការដ្ឋាននគរបាលខេត្តព្រៃវែង មានរៀបចំពិធីផ្សព្វផ្សាយស្ដីពីបទពិន័យនគរបាលជាតិកម្ពុជា ការគ្រងឯកសណ្ឋាន និងការប្រើប្រាស់អាវុធ ក្រោមអធិបតីភាព លោកឧត្តមសេនីយ៍ទោ ឈាង ប៊ុនហុង អនុប្រធានអង្គភាពសម្រួតបទបញ្ជា អគ្គស្នងការដ្ឋាននគរបាលជាតិ ។

ក្នុងនោះផងដែរ ក៏ទទួលបានការអញ្ជើញចូលរួមពីសំណាក់លោកឧត្តមសេនីយ៍ វរសេនីយ៍ ស្នងការរង លោកនាយការិយាល័យទាំង៣០ លោកប្រធានអង្គភាពទាំង០២ លោកអធិការនគរបាលក្រុង-ស្រុកទាំង១៣ និងមន្ត្រីនគរបាលជាច្រើនរូបទៀត ពិធីនេះប្រារពឡើងនៅសាលប្រជុំតូច(នគរភ្នំ) នៃស្នងការដ្ឋាននគរបាលខេត្តព្រៃវែង ៕